ავსტრალიის ახალი სამხრეთ უელსის შტატის საგანგებო სიტუაცების მინისტრი დევიდ ელიოტი, ქვეყანაში არსებული ფართომასშტაბიანი ხანძრების ფონზე, შვებულების ევროპაში გატარებას გეგმავს.
მინისტრის პრესსამსახურის ცნობით, მისი მოგზაურობა დიდ ბრიტანეთსა და საფრანგეთში არ გაუქმდება, მიუხედავად ქვეყანაში არსებული ხანძრებისა.
რამდენ ხანს გასტანს მინისტრის ევროპული არდადეგები, უცნობია.
მანამდე, ავსტრალიის პრემიერ მინისტრმა სკოტ მორისონმა შეწყვიტა შვებულება ჰავაიში, მას შემდეგ რაც გავრცელდა ინფორმაცია ავსტრალიაში ორი მეხანძრე-მაშველის გარდაცვალების შესახებ.
კრიზისის დროს მთავრობის მეთაურის არყოფნამ ოპოზიციური ლეიბორისტული პარტიის წარმომადგენლების კრიტიკა და მოსახლეობის შეშფოთება გამოიწვია.
მორისონმა ბოდიში მოიხადა ქვეყნისთვის კრიტიკულად მნიშვნელოვან დროს შვებულებაში ყოფნის გამო.
ავსტრალიაში ტყის ხანძრები სექტემბრიდან მძვინვარებს. განადგურებულია 3 მილიონამდე ჰექტარი ტყის მასივი, ასეულობით საცხოვრებელი სახლი და ადმინისტრაციული შენობა. ხანძარს 8 ადამიანი ესმხვერპლა.