ყაზახეთის ქალაქ ალმატის აეროპორტის სიახლოვეს ავიატაკასტროფა განიცადა სამგზავრო თვითმფრინავმა, რომლის ბორტზეც 95 მგზავრი და ეკიპაჟის 5 თანამშრომელი იმყოფებოდა.
ავიაკომპანია Bek Air-ის კუთვნილი თვითმფრინავი აფრენიდან მალევე სიმაღლე დაკარგა, ბეტონის კედელს შეეჯახა და ორსართულიან შენობას დაეცა.
კატასტსტროფას 14 ადამიანი ემსხვერპლა, ერთი დაშავებული მოგვიანებით საავადმყოფოში გარდაიცვალა. დაშავდა 35 ადამიანი, მათ შორის 8 ბავშვი.
თვითმფრინავი ალმატიდან ყაზახეთის დედაქალაქ ნურსულთანში მიფრინავდა.
წინასწარი ინფორმაციით, კატასტროფის მიზეზად ძრავის გაუმართაობა სახელდება.