ავარიას ჩაქვში 5 ადამიანი ემსხვერპლა. გავრცელებული ინფორმაციით, გარდაცვლილთა ნაწილი ტურისტია.
როგორც აჭარის საზოგადოებრივი მაუწყებელი იტყობინება, დაღუპულებს შორის არიან სკოლის მოსწავლეებიც.
თვითმხილველების თქმით, ავტომობილი ხრამში 10 მეტრი სიმაღლიდან გადავარდა.
გარდაცვლილთა ცხედრები სამაშველო სამსახურმა უკვე ამოიყვანა ავტომობილიდან.
გამოძიება 276 მუხლის მერვე ნაწილით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც 2 ან მეტი ადამიანის სიცოცხლის მოსპობა გამოიწვია.