დღეს, 23 დეკემბერს, რუსეთის პრეზიდენტმა ვლადიმერ პუტინმა საზეიმო ვითარებაში გახსნა სარკინიგზო ხიდი, რომელიც ერთმანეთს დააკავშირებს რუსეთსა და მის მიერ ანექსირებულ ყირიმის ნახევარკუნძულს.
პუტინმა სამშენებლო სამუშაოებზე დასაქმებულ პირებს მადლობა გადაუხადა და აღნიშნა, რომ "ხიდმა დაადასტურა რუსეთის შესაძლებლობები, განახორციელოს ფართომასშტაბიანი ინფრასტრუქტურული პროექტები".
მანამდე, 15 მაისს, პრეზიდენტმა პუტინმა გახსნა ქერჩის სრუტეზე აშენებული ხიდის საავტომობილო ნაწილი.
ხიდის მშენებლობის დაგეგმვა რუსეთმა 2014 წელს დაიწყო, ყირიმის ნახევარკუნძულის მიტაცებისთანავე.
შეერთებული შტატებმა და ევროკავშირმა დაგმეს ხიდის მშენებლობა ანექსირებულ ყირიმში და ის უკრაინის სუვერენიტეტის უხეშ დარღვევად შეაფასეს.
ხიდის მშენებლობა 3.7 მლრდ დოლარი დაჯდა და იგი ყველაზე გრძელი ხიდი იქნება ევროპაში.