ხორვატიაში საპრეზიდენტო არჩევნების მეორე ტურში მოქმედი პრეზიდენტი კოლინდა გრაბარ-კიტაროვიჩი და ყოფილი პრემიერ-მინისტრი ზორან მილანოვიჩი მიიღებენ მონაწილეობას.
საპრეზიდენტო არჩევნების პირველი ტური ხორვატიაში გუშინ გაიმართა.
ეროვნული საარჩევნო ადმინისტრაციის მონაცემებით, ზორან მილანოვიჩმა ამომრჩეველთა ხმების 29.57% მოიპოვა, ხოლო კოლინდა გრაბარ-კიტაროვიჩმა 26.65%.
მეორე ტური 5 იანვარს სწორედ ამ ორ კანდიდატს შორის გაიმართება.
პრეზიდენტი 5 წლის ვადით აირჩევა.
