სასტუმრო შერატონში ხელისუფლებას და ოპოზიციას შორის მოლაპარაკების მესამე რაუნდი იმართება. შეხვედრში დიპლომატიური კორპუსიც მონაწილეობს.
პირველ შეხვედრაზე, ე.წ გერმანულ მოდელზე იმსჯელეს, თუმცა ხელისუფლებასა და ოპოზიციას შორის კონსენსუსი ვერ შედგა. მოლაპარაკებების მეორე რაუნდის შემდეგ ხელისუფლების წარმომადგენლებმა თქვეს, რომ მრავალმანდატიან მაჟორიტარულ ოლქებზე იმსჯელებენ, რაც ოპოზიციის მიერ შეთავაზებული მოდელის ერთერთი კომპონენტია.
ხელისუფლებას და ოპოზიციას შორის მოლაპარაკების ეს ფორმატი საერთაშორისო პარტნიორების ძალისხმევით შეიქმნა. მისი საჭიროება მას შემდეგ დადგა, რაც ხელისუფლებამ პროპორციული არჩევნების პირობა უკან წაიღო და სამოქალაქო საზოგადოებისა და დანარჩენი პოლიტიკური სპექტრის პროტესტი გამოიწვია.