სოციალურმა ქსელმა Twitter-მა თავის ბლოგში 2019 წლის შედეგები შეაჯამა და ყველაზე პოპულარული თემები გამოყო.
ყველაზე განხილვადი ახალი ამბების კატეგორიაში პირველი ადგილი ნოტრ-დამის ხანძარმა დაიკავა. ხანძარი 15 აპრილს გაჩნდა, ჩამოინგრა ტაძრის შპილი, ცეცხლმა მოიცვა მზიდი კონსტრუქცია.
მეორე ადგილი დაიკავა ჰეშთეგმა "რეივის ეპოქის დასაწყისი" - მმართველობის ეპოქა, რომელიც 1 მაისს იაპონიაში ჰეისეის ეპოქა შეცვალა იმპერატორის ცვლილებასთან დაკავშირებით.
მესამე ადგილზეა ვენესუელა, სადაც იანვრის დასაწყისში მასობრივი პროტესტები დაიწყო და ხუან გუაიდომ თავი სახელმწიფოს დროებით პრეზიდენტად გამოაცხადა.
ყველაზე პოპულარული ახალი ამბების ათეულში ასევე შევიდა Brexit-ი, იაპონიაში ბოლო ათწლეულების განმავლობაში უძლიერესი ტაიფუნი ჰაგიბისი, ამაზონის ტყის ხანძრები. ჰონგ-კონგის პროტესტები, კლიმატთან დაკავშირებული პროტესტები. ტერაქტი ახალი ზელანდიის ქალაქ კრაისტჩერჩსა და აშშ-ში დემოკრატების წინასაარჩევნო დებატები.
2019 წლის ყველაზე განხილვადი პერსონა გახდა აშშ-ის პრეზიდენტი დონალდ ტრამპი, მისი წინამორბედი ბარაკ ობამა და ინდოეთის პრემიერმინისტრი ნარენდრა მოდი. ტოპში ასევე მოხვდნენ ამერიკელი პოლიტიკოსი ალექსანდრია ოკასიო-კორტესი, ბრაზილიის პრეზიდენტი ჟაირ ბოლსონარუ და აშშ-ის პრეზიდენტობის კანდიდატები ბერნი სანდერსი და ჯო ბაიდენი.
მომხმარებლები ხშირად მსჯელობდნენ აშშ-ის პრეზიდენტობის ყოფილ კანდიდატ ჰილარი კლინტონსა და საფრანგეთის პრეზიდენტ ემანუელ მაკრონზე, ასევე რუსეთის ლიდერ ვლადიმირ პუტინზე.
2019 წლის ყველაზე განხილვადი სერიალი იყო "სამეფო კარის თამაშები". მეორე ადგილზე აღმოჩნდა ამერიკული სერიალი "ძალიან უცნაური საქმეები", მესამეზე - სერიალი "სიმფსონები". მხატვრულ ფილმებს შორის ყველაზე პოპულარული იყო ფილმი "შურისმაძიებლები: ფინალი".
Twitter-ის მომხმარებელბი ასევე საუბრობდნენ ამერიკელ მსახიობებზე ტომ ჰოლანდზე, კრის ევანსსა და ზენდაიაზე. მომხმარებლთა შორის 2019 წლის ყველაზე პოპულარული მუსიკოსი გახდნენ სამხრეთკორეული ჯგუფი BTS, ამერიკელი მომღერლი არიანა გრანდე და რეპერი დრეიკი.
სოციალურმა ქსელმა ცალკე გამოყო პოსტი, რომელსაც ყველაზე მეტი რამდენიმე გაზიარება ჰქონდა. ყველაზე პოპულარული გახდა ქათმის კვერცხის ფოტო, რომელმაც იანვარში მსოფლიო რეკორდი მოხსნა Instagram-ზე "მოწონებების" რაოდენობით.
მომხმარებლები ასევე აქტიურად აზიარებდნენ ვიდეოს, რომელზეც სტუდენტების გუნდი გაურბის პატარა იხვებს და კიდევ ერთი ვიდეო, სადაც ჩანს კატა, რომელიც ღობეზე იდეალურ ნახტომს ასრულებს.