თეთრი სახლის განცხადებით, შეერთებული შტატების პრეზიდენტი დონალდ ტრამპი და მისი ადვოკატები კონგრესის წარმომადგენელთა პალატაში დაგეგმილ საიმპიჩმენტო მოსმენას არ დაესწრებიან.
შესაბამისი წერილით, კონგრესს თეთრი სახლის იურიდიულმა მრჩეველმა პეტ ჩიპოლონემ მიმართა.
თეთრ სახლს არაფერი უთქვამს იმასთან დაკავშირებით, დაესწრება თუ არა დონალდ ტრამპი შემდეგ მოსმენებს.
როგორ წერილშია აღნიშნული, 4 დეკემბერს დანიშნული მოსმენა, არ აძლევს პრეზიდენტის ადმინისტრაციას საკმარის დროს მოსმენისთვის მოსამზადებლად. ასევე უცნობია მოწმეების ვინაობა, რაც დამატებით აფერხებს მოსმენაში მონაწილეობის სურვილს.
გასულ კვირას ცნობილი გახდა, რომ კონგრესის იურიდიული კომიტეტის თავმჯდომარემ ჯეროლდ ნადლერმა დონალდ ტრამპმა საიმპიჩმენტო მოსმენაზე მიიწვია.
აშშ-ის წარმომადგენელთა პალატის სპიკერმა ნენსი პელოსიმ დონალდ ტრამპის წინააღმდეგ იმპიჩმენტის ფორმალური პროცედურის დაწყება 25 სექტემბერს გამოაცხადა. აღნიშნული პროცედურის დაწყებას საფუძვლად დაედო დონალდ ტრამპისა და უკრაინის პრეზიდენტის ვოლოდიმირ ზელენსკის სატელეფონო საუბარი.
დემოკრატები ცდილობენ, დაადგინონ, გამოიყენა თუ არა ტრამპმა ძალაუფლება ბოროტად, როდესაც ვოლოდიმირ ზელენსკის თავისი პოლიტიკური მეტოქის, ჯო ბაიდენის შვილის ბიზნეს-საქმიანობის გამოძიება სთხოვა.
გარდა ამისა, საიმპიჩენტო გამოძიების ფარგლებში, გამოძიებას სურს გამოიკვლიოს, სატელეფონო საუბარი და ბაიდენის ვაჟის წინააღმდეგ გამოძიების დაწყების მოთხოვნა, იყო თუ არა კავშირში უკრაინისთვის სამხედრო დახმარების შეჩერებასთან.