პარიზში ჩატარებულ აუქციონზე, საფრანგეთის იმპერატორი ნაპოლეონ ბონაპარტის ჩექმები 117 ათას ევროდ გაიყიდა. ამის შესახებ მიკრობლოგ "ტვიტერზე" წერს აუქციონის სახლი Drouot-ი.
"ნაპოლეონის ცნობილი ჩექმები 117 208 ევროდ გაიყიდა. იმპერიის მოყვარულთა რიცხვი ისევ დიდია", - ნათქვამია აუქციონის სახლის "ტვიტერზე".
ცნობილია, რომ აღნიშული ჩექმები საფრანგეთის პრეზიდენტს გადასახლებაში, წმინდა ელენეს კუნძულზე ეცვა, სადაც ის 1821 წელს გარდაიცვალა.
აღსანიშნავია, რომ ნაპოლეონ ბონაპარტის ნივთები აუქციონებზე დიდი პოპულარობით სარგებლობენ.
2019 წლის აპრილში Osenat-ის აუქციონზე ბონაპარტის სამეფო სავარძელი 500 ათას ევროდ გაიყიდა.
მანამდე, Drouot-ის აუქციონზე გაიყიდა იმპერატორის სამი სასიყვარულო წერილი, რომლებიც მან თავის მეუღლეს - ჟოზეფინას გაუგზავნა.