ივანიშვილი თავისი კლოუნებით უნდა ჩამოცილდეს ხელისუფლებას, რომ ქვეყანა დიდი ხიფათიდან იქნეს გამოყვანილი - აცხადებს "ევროპული საქართველოს" ერთ-ერთი ლიდერი გიგა ბოკერია.
მისი თქმით, აღნიშნულთან დაკავშირებით, სრული ოპოზიციურ სპექტრში არის ერთიანობა.
"ერთსულოვანია ოპოზიციის მთელი სპექტრი ვინც აქ არის, იმ ამოცანებში, რაც პირველივე დღიდან დაისახა.
ტაქტიკაზე შეიძლება სხვადასხვაგვარი მოსაზრებები იყოს, მაგრამ ეს ეროვნული ამოცანა, რომელიც ფასეულობებში განსხვავებულ ჯგუფებსაც კი აერთიანებს, მართლა უნიკალურია.
ეს კაცი, ივანიშვილი, სამარცხვინო ლიდერი, თავისი კლოუნებით უნდა ჩამოცილდეს ხელისუფლებას, იმისთვის, რომ ქვეყანა ამ დიდი შარიდან და ხიფათიდან იქნეს გამოყვანილი.
ამაზე არის სრული ერთიანობა.
პროპორციული ვადამდელი არჩევნები, პოლიტპატიმრების გათავისუფლება, ის ცვლილებები, რაც საჭიროა, რომ ტექნიკური მთავრობა იყოს, ყველა ეს ამოცანა არის ძალაში", - თქვა გიგა ბოკერიამ.
