შეერთებული შტატების პრეზიდენტი დონალდ ტრამპი გულისწყრომით იხსენებს ფაქტს, რომ აშშ-ის ყოფილმა ელჩმა უკრაინაში მარია იოვანოვიჩმა მისი პორტრეტი საელჩოს შენობაში წელიწადნახევრის განმავლობაში არ დაკიდა.
"ამ ელჩმა არ დაკიდა ჩემი ფოტო საელჩოში. ის იღებდა გადაწყვეტილებებს საელჩოში. მას წელიწადნახევარი ან ორი წელი დასჭირდა, საელჩოში ჩემი პორტრეტის დასაკიდებლად. ის ცუდ რამეებს ამბობდა ჩემზე და არ მიცავდა. და მე მივიღე ელჩის ცვლილების გადაწყვეტილება... მას არ სურდა ჩემი პორტრეტის დაკიდება", - თქვა ტრამპმა ტელეკომპანია Fox News-თან.
მარია იოვანოვიჩმა კონგრესის წინაშე ტრამპის იმპიჩმენტის გამოძების ფარგლებში ჩვენება მისცა.
აშშ-ის წარმომადგენელთა პალატამ დონალდ ტრამპის წინააღმდეგ იმპიჩმენტის ფორმალური პროცედურა 25 სექტემბერს დაიწყო.
მარი იოვანოვიჩი ერთ-ერთია იმ 12 მოწმიდან, ვინც ტრამპის იმპიჩმენტის საკითხზე კონგრესზე საჯარო მოსმენებში მოწმის სტატუსით მიიღო მონაწილეობა.