მთავრობა საკუთარ ინიციატივას ცვლის და დაკრედიტებისას 200 ათას ლარიან ზღვრის 100 ათას ლარამდე ჩამოწევას გეგმავს. საქარველოს პრემიერ-მინისტრმა ფინანსთა მინისტრს შესაბამისი დავალება მისცა და ივანე მაჭავარიანს პროექტის წარდგენა მთავრობისთვის უკვე მომავალ კვირაში მოუწევს.
"ჩვენ არაერთხელ განვაცხადეთ, რომ უახლოესი წლების განმავლობაში დიდი გამოწვევაც და მიზანიც იქნება ეკონომიკური ზრდა და სამუშაო ადგილები. ყველაფერი ის, რაც ხდება ჩვენს სოციალურ თუ პოლიტიკურ ცხოვრებაში, როგორც კი იძენს დესტაბილიზაციის ხასიათს, გადადის ქუჩაში, იძენს უკანონო ქმედებების სახეს, რა თქმა უნდა პირდაპირ ზეგავლენას ახდენს ეკონომიკაზე. ამიტომ ის უპასუხისმგებლო პოლიტიკოსები, რომლებიც არ ითვალისწინებენ ჩვენი ქვეყნისთვის ყველაზე მნიშვნელოვან განზომილებას, ეს გახლავთ ეკონომიკური ზრდა, ეკონომიკური განვითარება და სამუშაო ადგილების შექმნა. ჩვენი როგორც პასუხისმგებლიანმა ძალამ და საქართველოს მთავრობამ გარკვეული ნაბიჯები უნდა გადავდგათ იმისათვის, რომ მსგავს გამოწვევებს გავცეთ პასუხი.
ამიტომ დღეს მე მინდა, ეკონომიკური ზრდის დაჩქარების უზრუნველსაყოფად ფინანსთა მინისტრს დავავალო ის შემზღუდველი ელემენტი, რომელიც ჩვენ დავაწესეთ უცხოურ ვალუტაში დაკრედიტების ზღვარი 200 ათასი ლარს ფარგლები განიხილოდ შესაძლებლობად და მომავალი მთავრობის სხდომაზე წარმოადგინო თუ რამდენად შესაძლებელია ეს ზვარი ჩამოვწიოთ 100 ათას ლარამდე", აღნიშნა გახარიამ.