საქართველოს პარლამენტის წევრი "ერთიანი ნაციონალური მოძრაობიდან" სალომე სამადაშვილი ეხმიანება სამართალდამცავების მიერ საპროტესტო აქციის დაშლას და აცხადებს, რომ "ასეთი სისასტიკე 1989 წლის შემდეგ არ ახსოვს.
"ესეთი ძალადობა საკუთარ ხალხზე მე არ მახსენდება. ალბათ აქ 1989 წლის 9 აპრილის მერე არ გვახსოვს უბრალოდ აი ესეთი სისასტიკე. ეს არის გაუქმება ქვეყანაში ყველანაირი პროცესის. წაგვართვეს დემოკრატიული არჩევანის უფლება და მერე გვითხრეს, რომ თუ ამას გააპროტესტებთ, დაგერევით და ახლა უკვე ჩაკეტეს, არ უშვებენ მოქალაქეებს მშვიდობიან მანიფესტაციაში მონაწილეობის მისაღებად", - თქვა სალომე სამადაშვილმა.
სალომე სამადაშვილის თქმით, აქციის ორგანიზატორები არ აპირებენ შეგუებას და სამთავრობო შენობების პიკეტირება გაგრძელდება.
"არავის არ ეშინია ბიძინა ივანიშვილის წყლის ჭავლის, არც რეზინის ტყვიების და არც ტყვიების. ჩვენ არ გვაქვს სხვა არჩევანი, ჩვენ ვიბრძვით ჩვენი ქვეყნის თავისუფლებისთვის. საქართველო არ იქნება რუსეთის მსგავსი ქვეყანა და არ იქნება რუსეთის ნაწილი, რაც სურს ივანიშვილს და აქეთკენ მიდის ქვეყანა.
ჩვენ 30 წელიწადია ვაშენებთ დამოუკიდებელ სახელმწიფოს და ავად თუ კარგად რაღაცნაირად წინ მივდიოდით, იგივე დემოკრატიის თვალსაზრისით...
ახლა რას ვხედავთ, წაგვართვეს არჩევანის უფლება, გვითხრეს, რომ გცემთ, გაგაშავებთ და დაგაზიანებთ და დაგხოცავთ, თუ მოითხოვთ დემოკრატიული არჩევნების უფლებას. არავინ არ აპირებს რომ შეეგუოს.
გაგრძელდება პიკეტირება სამთავრობო შენობების. ბიძინა ივანიშვილს თუ გონია, რომ წყალი მოგვასხა და ამიტომ მშვიდად გააგრძელებს ცხოვრებას, ძალიან ცდება", - აღნიშნა სალომე სამადაშვილმა.