ახალგაზრდული მოძრაობა #შეცვალე გმობს პარლამენტის გადაწყვეტილებას პროპორციულ სისტემაზე გადასვლის კანონპროექტის ჩავარდნის შესახებ და პარლამენტის წინ საპროტესო აქციას აანონსებს.
"მოძრაობა #შეცვალე მოძრაობა სირცხვილიასთან ერთად გმობს პარლამენტის სამარცხვინო გადაწყვეტილებას! ეს არის ქვეყნის ღალატი, რომელსაც არ შეეგუება არც ერთი სახელმწიფოებრივად მოაზროვნე პატრიოტი!
ქართულმა ოცნებამ არ დაგვიტოვა სხვა გზა, გარდა სამოქალაქო წინააღმდეგობისა! მათ გაყიდეს საქართველოს მომავალი!
მოვუწოდებთ საზოგადოების თითოეულ წევრს - ერთად დავიცვათ სისხლით მოპოვებული პროპორციული სისტემა და ჩვენი ქვეყანა მოღალატეებისგან!
ვიკრიბებით 19:00 საათზე, რუსთაველზე, პარლამენტის შენობასთან! ერთად #შევცვლით, სირცხვილია!", - აღნიშნულია მოძრაობის მიერ გავრცელებულ განცხადებაში.