შეერთებულ შტატებში ვიზიტის ფარგლებში, თურქეთის პრეზინდეტმა რეჯებ ტაიპ ერდოღანმა კვლავ მოსთხოვა დონალდ ტრამპს ფეთულა გიულენის გადაცემა. ამის შესახებ თავად ერდოღანმა გააკეთა კომენტარი ტრამპთან შეხვედრის დასრულების შემდეგ.
ანკარას ფეთულა გიულენს 2016 წლის ივლისში თურქეთში სამხედრო გადატრიალების მცდელობის ორგანიზებაში ადანაშაულებს.
"როგორც მოგეხსენებათ, ჩვენ გვქონდა. გადატრიალების მცდელობა და ის, ვინც ამაში დამნაშავეა, ცხოვრობს შეერთებულ შტატებში. ეს დაუშვებელია", - თქვა ერდოღანმა.
2013 წლამდე, გიულენი თურქეთის პრეზიდენტ რეჯეფ თაიფ ერდოღანის მოკავშირე იყო. ალიანსი გახმაურებული კორუფციული სკანდალების შედეგად დაინგრა.
ერდოღანი გიულენმა კორუფციული საქმეების მართვაში დაადანაშაულა.
ამჟამად, გიულენი თურქეთს ტერორისტად ჰყავს შერაცხული და ოფიციალურ დონეზე მას გიულენისტური ტერორისტული ორგანიზაციის (FETÖ) ლიდერად მიიჩნევენ.
თურქეთის სასამართლოს გაცემული აქვს მისი დაკავების ორდერი.
თურქეთი გიულენის ექსტრადაციას დაჟინებით სთხოვს აშშ-ს. თუმცა, აშშ-ის ხელისუფლებას არ სჯერა გიულენის კავშირი ტერორისტულ საქმიანობასთან.