ამერიკელი მომღერალი, მუსიკოსი და მსახობი ჯონ ლეჯენდი ჟურნალმა People-მა 2019 წლის ყველაზე სექსუალურ მამაკაცად დაასახელა..
"აღფრთოვანებული ვარ, მაგრამ ამავდროულად ცოტა შეშინებული, რადგან ეს დიდი პასუხისმგებლობაა. შეიძლება გამაკრიტიკონ რამდენად ვიმსახურებ მე ამ ტიტულის მიღებას", - თქვა ჯონ ლეჯენდმა.
გასულ წელს, ყველაზე სექსუალურ მამაკაცად ბრიტანელი კინოსა და სატელევიოზი ვარსკვლავი იდრის ელბა დასახელდა.
2007 წელს ლეჯენდმა მიიღო სიმღერების ავტორთა დიდების დარბაზის ჯილდო Hal David Starlight Award.
2015 წელს გადაეცა ოსკარი და ოქროს გლობუსი საუკეთესო ორიგინალური სიმღერისთვის „Glory“ ფილმიდან „სელმა“.
ლეჯენდი აგრეთვე ათი გრემის და ერთი ტონის ჯილდოს მფლობელია. 2018 წელს ლეჯენდმა განასახიერა იესო ქრისტეს როლი ენდრიუ ლოიდ ვებერის როკ-ოპერის ადაპტაციაში „იესო ქრისტე სუპერვარსკვლავი“. იგი პირველი შავკანიანია, რომელიც ერთდროულად ფლობს ემის, გრემის, ოსკარსა და ტონის ჯილდოებს.