საპარლამენტო უმრავლესობის წევრის, მცხეთის მაჟორიტარი დეპუტატის დიმიტრი ხუნდაძის განცხადებით, მან ვერ მოახერხა დაერწმუნებინა პარტია „ქართული ოცნების“ თავმდჯომარე ბიძინა ივანიშვილი პროპორციული სისტემის სახიფათოობაში.
როგორც საპარლამენტო უმრავლესობის სხდომის დასრულების შემდგომ დიმიტრი ხუნდაძემ ჟურნალისტებს განუცხადა, იგი გააგრძელებს ბრძოლას, რომ საკონსტიტუციო ცვლილებების პროექტი ჩავარდეს.
"ვაგრძელებ ბრძოლას, რათა სწორი პოლიტიკური ცხოვრება გავაგრძელოთ და ქვეყანას საფრთხეები და რყევები ავაცილოთ",- დასინძე დიმიტრი ხუნდაძემ.
საპარლამენტო უმრავლესობის სხდომის დაწყებამდე დიმიტრი ხუნდაძე აცხადებდა, რომ იგი ეცდებოდა დაერწმუნებინა ბიძინა ივანიშვილი პროპორციული სისტემის ხიფათის შემცველობაში.
პროპორციულ სისტემაზე გადასვლის საკონსტიტუციო ცვლილებები პარლამენტის გუშინდელ სხდომაზე ჩავარდა. მაჟორიტარების ნაწილი აპროტესტებს პროპორციულ სისტემაზე გადასვლას.
განხილვა პარლამენტში დღეს გაგრძელდება.