გორის მუნიციპალიტეტში, სოფელ ოლოზთან 30 წლამდე ასაკის მამაკაცი ტყეში გარდაცვლილი იპოვეს. „ინფორუსთავის“ ინფორმაციით, გარდაცვლილი მამაკაცი ტყეში სანადიროდ იყო წასული, შემთხვევა სავარაუდოდ სწორედ ნადირობის დროს მოხდა. მამაკაცს ცეცხლსასროლი იარაღით დაზიანება თავის არეში აქვს მიყენებული.
მომხდარზე გამოძიება ამ ეტაპზე სისხლის სამართლის კოდექსის 115-ე მუხლით მიმდინარეობს, რაც თვთმკვლელობამდე მიყვანას გულისხმობს. გამოძიება ექსპერტიზის პასუხებს ელოდება, რის შემდეგაც საქმე შესაძლოა გადაკვალიფიცირდეს.