შეიარაღების შესყიდვაზე ტენდერის ჩაშლის გამო, რუსეთი სომხეთს საპროტესტო ნოტას გაუგზავნის.
გავრცელებული ინფორმაციით, რუსული მხარე სომხეთის თავდაცვის მინისტრს, დავიდ ტონოიანს მიმართავს, დაარეგულიროს არსებული ვითარება, რომელშიც რუსული კომპანია „ორსისი“ მონაწილეობს.
საპროტესტო ნოტა უკვე არის რუსეთის საგარეო საქმეთა სამინისტროში და სომხურ მხარეს დიპლომატიური არხებით უახლოეს მომავალში გადაეგზავნება. ნოტაში აღნიშნულია, რომ რუსული კომპანიის განაცხადი ტენდერში მონაწილეობაზე უმიზეზოდ იქნა უარყოფილი.
ტენდერის ჩაშლასთან დაკავშირებით, სომხეთში სისხლის სამართლის საქმეა აღძრული.