თურქეთი სირიის ჩრდილოეთით სამხედრო ოპერაციას დიდი ალბათობით გააგრძელებს, თუ აშშ-ი ანკარასთან შეთანხმებას უსაფრთხოების ზონიდან ქურთების გაყვანის შესახებ არ შეასრულებს. ამის შესახებ განცახდება თურქეთის პრეზიდენტმა რეჯებ თაიფ ერდოღანმა გააკეთა.
17 ოქტომბერს აშშ-მა და თურქეთმა განაცხადეს, რომ შეთანხმდნენ 120 საათით სამხედრო ოპერაციის შეწყვეტაზე და ქურთული ფორმირებების გაყვანაზე თურქეთ-სირიის საზღვარზე 30-კმ-იან ბუფეროლი ზონიდან, რომლის დამოუკიდებლად გაკონტროლება თურქეთს სურს. ამასთან, ვრცელდებოდა, ინფორმაციები თურქეთის მხრიდან საომარი მოქმედებების გაგრძელების შესახებაც.
"თუ აშშ-ის მიერ მოცემული დაპირება არ შესრულდება, ჩვენ სირიაში ოპერაციას გავაგრძელებთ, დიდი ალბათობით", - განუცხადა ერდოღანმა ჟურნალისტებს სოჭში გაფრენის წინ, სადაც ის რუსეთის პრეზიდენტს ვლადიმირ პუტინს უნდა შეხვდეს.
მისი თქმით, ოპერაცია "მშვიდობის წყაროს" მიმდინარეობისას თურქეთმა კონტროლი დაამყარა 2 200 კვადრატულ მეტრზე და 160 დასახლებულ პუნქტზე.
თურქეთმა ჩრდილო-აღმოსავლეთ სირიაში სამხედრო ოპერაცია "მშვიდობის წყარო" 9 ოქტომბერს დაიწყო. ხელისუფლების განცხადებით მის მიზანს ქურთული ფორმირებების, „ისლამური სახელმწიფოს“ მებრძოლთა განადგურება და საზღვრის გასწვრივ უსაფრთხოების ზონის შექმნა წარმოადგენს.