კალიფორნია გახდა ამერიკის პირველი შტატი, სადაც აიკრძალა ცხოველის ბეწვის წარმოება და რეალიზაცია.
2023 წლიდან კალიფორნიის ტერიტორიაზე შეუძლებელი გახდება ცხოველის ბეწვისგან დამზადებული სამოსის, ფეხსაცმლის, ჩანთის ან სხვა აქსესუარის დამზადება და გაყიდვა.
კალიფორნიის ხელისუფლების ამ გადაწყვეტილებას ზეიმით შეხვდა შტატის ცხოველთა უფლებების დამცველი საზოგადოება, რომელიც მრავალი წელია ითხოვდა ამ აკრძალვის დაწესებას.
"კალიფორნია ლიდერია, როდესაც საქმე ეხება ცხოველთა კეთილდღეობას და დღეს ჩვენ შევთანხმდით, რომ აიკრძალება ბეწვის გამოყენება და გაყიდვა“, - თქვა შტატის გუბერნატორმა თავის განცხადებაში.
აღსანიშნავია, რომ აკრძალვა არ ვრცელდება ძროხის, ირმის, ცხვრისა და თხის ტყავის წარმოებაზე. ასევე ცხოველების ფიტულებზე.
კანონის დამრღვევთათვის 500-დოლარიანი ჯარიმაა გათვალისწინებული, განმეორებითი შემთხვევისას კი ჯარიმა ორმაგდება.
გარდა ამისა, კალიფორნიის გუბერნატორმა გევინ ნიუსომმა ხელი მოაწერა კანონპროექტს, რომელიც კრძალავს საცირკო წარმოდგენებში ცხოვლების გამოყენებას. ეს აკრძალვა მხოლოდ ძაღლებზე, კატებსა და ცხენებზე არ გავრცელდება.
შეგახსენებთ, მაისში მოდის სახლმა Prada-მ უარი თქვა თავის კოლექციებში ნატურალური ბეწვის გამოყენებაზე.