შეერთებული შტატების პრეზიდენტმა დონალდ ტრამპმა რუსეთში აშშ-ის ელჩის კანდიდატად სახელმწიფო მდივნის პირველი მოადგილე ჯონ სალივანი წარადგინა. ამის შესახებ თეთრი სახლის მიერ გამოქვეყნებულ განცხადებაშია ნათქვამი.
"დღეს [პარასკევს], პრეზიდენტმა დონალდ ტრამპმა განაცხადა, რომ იგი რუსეთის ფედერაციაში შეერთებული შტატების საგანგებო და სრულუფლებიანი ელჩის კანდიდატად ჯონ სალივანს წარადგენს“, - ნათქვამია განცხადებაში.
ახლა უკვე აშშ-ის სენატმა უნდა დაამტკიცოს სალივანი ამერიკული დიპლომატიური მისიის ხელმძღვანელის თანამდებობაზე.
გავლენიანი გამოცემა Wall Street Journal-ი წერს, რომ რუსეთის ფედერაციამ უკვე გასცა დიპლომატიური აგრიმანი სალივანის კანდიდატურაზე.
რუსეთში აშშ-ის ყოფილი ელჩის ჯონ ჰანთსმანმა თანამდებობა, საკუთარი განცხადების საფუძველზე, 2019 წლის 3 ოქტომბერს დატოვა.