ცოტა ხანი დავისვენებ და მე ვფიქრობ, რომ სამუშაოს მოძებნა არ გამიჭირდება, არც საჯარო სექტორში და არც კერძო სექტორში, - ამის შესახებ ქართული ოცნების წევრმა ვანო ზარდიაშვილმა ჟურნალისტებთან თქვა.
მისი თქმით, მან ისე იცხოვრა, რომ არასდროს შერცხვება სხვისთვის თვალებში ჩახედვის.
„დგება მომენტი, როდესაც ვალდებული ხარ, გაუფრთხილდე საკუთარ ოჯახს და შენს გუნდს. აქამდე მე ვიცხოვრე ისე, რომ არასდროს შემრცხვება სხვისთვის თვალებში ჩახედვის და ასე ვიცხოვრებ მომავალშიც, სხვებს კი მოვუწოდებ, ნაკლები სიძულვილი და მეტი საქმე აკეთონ პოლიტიკაში და გააკეთონ ეს ღირსეულად“, - განაცხადა ზარდიაშვილმა და აღნიშნა, რომ ის ტოვებს დეპუტატის მანდატს.
„მე მივიღე გადაწყვეტილება, დავტოვო საქართველოს პარლამენტი და დეპუტატის მანდატი. ამით კიდევ ერთხელ მივანიშნებ საზოგადოებას, რომ თანამდებობა არის მხოლოდ საშუალება გამოადგე შენს ქვეყანას და ემსახურო თითოეულ მოქალაქეს. აქვე მინდა, მადლობა გადავუხადო ჩვენი გუნდის თითოეულ წევრს, ვუსურვო მათ წარმატება და მხარდაჭერა გამოვუცხადო ქვეყნის განვითარების საქმეში“,- აღნიშნულია ვანო ზარდიაშვილის განცხადებაში.