ვანო ზარდიაშვილი არის მოსიარულე ნაღმი, რომელზედაც პერიოდულად ფეთქდება "ქართული ოცნება", - ასე უპასუხა პარლამენტარმა ეკა ბესელიამ ჟურნასლიტების მიერ დასმულ შეკითხვას, ვანო ზარდიაშვილის მიერ დეპუტატის მანდატის, შესაძლო, დატოვების შესახებ.
"ეს ადამიანი არის მოსიარულე ნაღმი, რომელზედაც პერიოდულად ფეთქდება "ქართული ოცნება". ეს არის ის ტვირთი და სიმძიმე "ქართული ოცნებისთვის", რომლის გამოც მათ თავად უნდა გადაწყვიტონ ასოცირება ამ ადამიანთან უნდათ, თუ არა უნდათ. ბიძინა ივანიშვილს უნდა, რომ ასეთი ადამიანი საუბრობდეს მისი სახელით, რომელიც აბსოლუტურად დისკრედიტირებულია, თუ არ უნდა. ამიტომ, იცით ეს უკვე დროის ამბავია...
მან შეურაცხყოფა მე კი არ მომაყენა პირადად იმ საშინელი სიტყვებით, რასაც ის საჯაროდ ამბობდა, მან შეურაცხყოფა პირველ რიგში ბიძინა ივანიშვილს მიაყენა, რომელსაც უთხრა, რომ აი ასეთი ადამიანი გედგა შვიდი წელი გვერდში და მას ენდობოდი", - თქვა ეკა ბესელიამ.
შეგახსენებთ, მედიაში გავრცელდა ინფორმაცია, რომ ვანო ზარდიაშვილი დეპუტატის მანდატის დათმობას გეგმავს.