მადაგასკარში 180-მდე ბავშვს ბრალი ედება ვანილის მარცვლების მოპარვაში. ხშირად, ბავშვები პატიმრობაში რამდენიმე წელი იმყოფებიან, ვიდრე მათი სასამართლოს რიგი დადგება. ზოგიერთი ბრალდებული ციხეში უკვე რამდენიმე წელია იმყოფება.
კუნძულს, რომელიც ვანილის უმსხვილესი ექსპორტიორია, BBC-ის ჟურნალისტი ესტუმრა და გახშირებული ქურდობის შესახებ რეპორტაჟი მოამზადა.
ციხეში 2000 ბავშვი და ზრდასრული პატიმარი ერთად იხდის სასჯელს, თუმცა დაწესებულება გათვლილია 280 ადამიანისთვის. პატიმრები დღეში მხოლოდ ერთხელ იღებენ საკვებს.
პატიმრები დახმარებას ოჯახის წევრებისგან იღებენ. მათ შორის საკვებსა და მედიკამენტებს, რადგან მათზე ციხის ადმინისტრაცია საჭიროებისამებრ არ ზრუნავს.
BBC-ის ჟურნალისტი, მადაგასკარის იუსტიციის სამინისტროს მაღალჩინოსანს ესაუბრა, რომელმაც აღნიშნა, რომ ის წუხს არსებული მდგომარეობით.
„ჩვენ უნდა დავიცვათ ვანილის მარცვლების ბიზნესი, აგრეთვე მოქალაქეები. როგორც ადამიანს მესმის და ვწუხვარ იმ სიმძიმის გამო რისი ატანაც უწევთ პატიმრებს. სწორედ ამისთვის ვიბრძვით ჩვენც მთელი ძალებით, რომ გავაუმჯობესოთ მათი ცხოვრების სტანდარტები“,- აღნიშნა რავა სავატსარაჰამ, მადაგასკარის იუსტიციის სამინისტროს ადამიანური რესურსების დეპარტამენტის ხელმძღვანელმა.
ვანილის მარცვლებით ვაჭრობა მადაგასკრში ერთ-ერთი ყველაზე სარფიანი ბიზნესია. ერთი კილოგრამი საექსპორტო ვანილის ღირებულება 150 დოლარია.