რუსეთში აივნებზე სიგარეტის მოწევა აიკრძალა. ამის შესახებ BBC-ი წერს.
რუსეთის საგანგებო სიტუაციების მინისტრმა, ხანძარსაწინააღმდეგო ახალ რეგულაციებში აივნებზე სიგარეტის მოწევის აკრძალვის გადაწყვეტილება მიიღო.
ახალი კანონმდებლობით, „ცეცხლის გახსნა“ აკრძალულია საცხოვრებელი სახლების, კორპუსებისა და საერთო საცხოვრებლების, აგრეთვე სასტუმროების აივნებზე.
ასანთის ან სანთებელას გამოყენება აივანზე კლასიფიცირებული იქნება, როგორც „ცეცხლის გახსნა“, ნათქვამია ახალ კანონპროექტში.
ახალი რეგულაციებით, რუსეთში აივანზე ცეცხლის ანთება პირველ შემთხვევაში დაახლოებით 47 დოლარის ექვივალენტი ჯარიმით განისაზღვრება (3000 რუბლი), ხოლო ანთებული სიგარეტით აღმოჩენის შემთხვევაში შესაძლოა დადგეს პირის სამართლებრივი პასუხისმგებლობის საკითხი.
ახალი რეგულაცია პირველი ოქტომბრიდან შევა ძალაში. აღსანიშნავია, რომ რუსეთში, მოქალაქეები აივნებს უმეტეს შემთხვევაში მოსაწევად იყენებენ.
