საქართველოს პარლამენტის დეპუტატი "ქართული ოცნებიდან", რატი იონათამიშვილი იურიდიული კომიტეტის სხდომაზე ეკა ბესელიასა და ვანო ზარდიაშვილს შორის მომხდარ დაპირისპირებას ეხმიანება.
რატი იონათამიშვილის განცხადებით, ის რაც დღეს პარლამენტში მოხდა, არის უღირსი და სამარცხვინო საქციელი და პარლამენტის წევრი [ეკა ბესელია] ასე არ უნდა იქცეოდეს.
"ეს იყო ყველაზე უღირსი და სამარცხვინო საქციელი და საქართველოს პარლმენტის დეპუტატი ასე არ უნდა იქცეოდეს, ფაქტობრივად, მან თავისი სახე წარმოაჩინა დღეს", - Tთქვა დეპუტატმა.
რატი იონათამიშვილმა შეაქო ვანო ზარდიაშვილის მოთმინება და თქვა, რომ დეპუტატმა მოთმინების მაგალითი აჩვენა.
"რაც შეეხება ვანო ზარდიაშვილს, ჩვენ ვიცით, მუდმივად ის როგორი წნეხის ქვეშ იყო. მის მიმართ რამდენი შეურაცხმყოფელი განცხადება გაკეთდა, მისი ოჯახის მიმართ რამდენი შეურაცხმყოფელი განცხადება გაკეთდა და ვანომ მოგვცა ამ მხრივ მოთმინების მაგალითი", - თქვა რატი იონათამიშვილმა.
ის არასდროს არ ყვებოდა პროვოკაციას და დღესაც არ აყვა ამ პროვოკაცია. მან უდიდესი შეურაცხყოფა ძალიან ღირსეულად აიტანა", - დასძინა იონათამიშვილმა.
გარდა ამისა, იონათამიშვილმა მოუწოდა ეკა ბესელიას, რომ მან აუცილელბლად უნდა დატოვოს პარლამენტის წევრის მანდატი.
"რაც შეეხება ეკა ბესელიას, ადამიანს ვისაც შეუძლია ასე დაეცეს და ამდენის უფლება მისცეს საკუთარ თავს, ის ნამდვილად იმსახურებს იმას, რომ ის ქართული პოლიტიკის წარსულში იყოს.
დღევანდელი დღე ნამდვილად იყო პირდაპირი ხულიგნობა და მეტი არაფერი და როცა პოლიტიკოსი ასე იქცევა. მე ვფიქრობ, რომ ერთადერთი გზა, რაც მას პირადი რეაბილიტაციისთვის რჩება, ეს არის ის რომ საერთოდ უნდა დატოვოს პარლამენტის წევრის მანდატი", - განაცხადა რატი იონათამიშვილმა.