საქართველოს კონტროლის პალატას შვედეთის ეროვნული აუდიტორული ოფისის (SNAO-ს) წარმომადგენლები სტუმრობენ. შვედი კოლეგები 27-30 სექტემბერს კონტროლის პალატაში შიდა და გარე კომუნიკაციების შესახებ სამუშაო შეხვედრას გამართავენ. შეხვედრისას განხილული იქნება იმ რეკომენდაციების განხორციელებასთან დაკავშირებული საკითხები, რომლებზეც შვედური და ქართული მხარე 2010 წლის მარტში შეთანხმდნენ.
შეგახსენებთ, რომ 2010 წლის 23 მარტს ხელი მოეწერა თანამშრომლობის მემორანდუმს საქართველოს კონტროლის პალატასა და შვედეთის ეროვნულ აუდიტორულ ოფისს შორის. თანამშრომლობის მემორანდუმი ითვალისწინებს: საქართველოს კონტროლის პალატის დახმარებას განახორციელოს კანონმდებლობით განსაზღვრული მანდატის შესაბამისი საქმიანობა და შეასრულოს ეფექტიანი როლი საქართველოს საჯარო მმართველობის სფეროში; თანამშრომლობას 2012 წლის 31 დეკემბრამდე; შვედური მხარის მიერ 7 მლნ-მდე კრონის გამოყოფას დახმარების ღონისძიებებისათვის.