შეერთებული შტატების პრეზიდენტის დონალდ ტრამპის ადმინისტრაცია გამოყოფს 250-მილიონიან სამხედრო დახმარებას უკრაინისთვის. იუწყება Reuters-ი.
აღნიშნულ თანხას უკრაინა მოსკოვის მიერ მხარდაჭერილი სეპარატისტების წინააღმდეგ საბრძოლველად გამოიყენებს აღმოსავლეთ უკრაინაში.
მანამდე გავრცელდა ინფორმაცია, რომ ტრამპი უკრაინისთვის 250-მილიონიანი აშშ დოლარის ოდენობის სამხედრო დახმარების შეჩერების საკითხს განიხილავდა.
დასავლური მედიის ცნობით, ტრამპის ეს გადაწყვეტილება შეშფოთებას იწვევს, როგორც დემოკრატების, ასევე რესპუბლიკელების რიგებში.
მაშინ გამოცემა Politico წყაროზე დაყრდნობით წერდა, თითქოს ტრამპი გადაწყვეტილების მიღებისას ეფუძნებოდა იდეას, რომ "უზრუნველყოფილი უნდა იყოს თანხის შეერთებული შტატების საუკეთესო ინტერესებისთვის დახარჯვა".
