მსგავსი შეტევა, პირდაპირ მინდა გითხრათ, მე არ მქონია არც 90-იან წლებში, არ მქონია თუნდაც წინა ხელისუფლების ხელში, - განაცხადა საზოგადოებრივი მოძრაობა „ლელოს“ დამფუძნებელმა მამუკა ხაზარაძემ ტელეკომპანია „პირველის“ ეთერში, ინგა გრიგოლიას გადაცემაში სტუმრობისას.
“ჩვენ ვიცით ის ტერორი, სხვა სიტყვას ვერ მოვუძებნით, რაც ბიზნესებს ჰქონდათ იმ პერიოდში. მე გითხარით, რომ აგერა ვარ ერთ-ერთი, შეიძლება, პირველად ვამბობ ეთერში ამის შესახებ, წერილშიც დავწერე. ახლა, დღევანდელ სიტუაციაში, მივიღეთ შემდეგი რამ: პრაქტიკულად, დღევანდელმა ხელისუფლებამ გადმოიბარა ყოველგვარი ის სტრუქტურები, რომლებიც ჩვენზე ახორციელებს ერთი წლის განმავლობაში შეტევას. მსგავსი შეტევა, პირდაპირ მინდა გითხრათ, მე არ მქონია არც 90-იან წლებში, არ მქონია თუნდაც წინა ხელისუფლების ხელში”, - თქვა ხაზარაძემ.
დღეს, თიბისი ბანკის დამფუძნებელმა, მამუკა ხაზარაძემ ანაკლიაში თავისი საზოგადოებრივი მოძრაობის პრეზენტაცია გამართა. მოძრაობას "ლელო" ერქმევა.
