ჯანდაცვის მსოფლიო ორგანიზაციის WHO ინფორმაციით, მსოფლიოში ყოველ 40 წამში ერთი ადამიანი იღუპება. იტყობინება Euronews-ი WHO-ის მიერ გამოქვეყნებულ ანგარიშზე დაყრდნობით.
ამ ანგარიშის გამოქვეყნების ფონია თვითმკვლელობის პრევენციის მსოფლიო დღე, რომელიც ყოველწლიურად 10 სექტემბერს აღინიშნება.
WHO-ის მონაცემებით, ყოველ წელს დაახლოებით 800 000 ადამიანი იღუპება თვითმკვლელობით. სუიციდის შემთხვევების სამ მეოთხედზე მეტი იმ ქვეყნებზე მოდის, სადაც მოსახლეობის უმრავლესობას დაბალი ან საშუალო შემოსავლები აქვს.
ჯანდაცვის მსოფლიო ორგანიზაცია შემაშფოთებლად მიიჩნევს ამ მონაცემებს და მოუწოდებს სახელმწიფოებს, შეიმუშავონ თვითმკვლელობის პრევენცის მექანიზმები და შეზღუდონ წვდომა ისეთ საშუალებებზე, რაც ხელს უწყობს სუიციდის რიცხვის გაზრდას.
2016 წლის მონაცემებით, 15-დან 29-წლამდე ახალგაზრდებს შორის სიკვდილიანობის მიზეზებს შორის მეორე ადგილს სწორედ თვითმკვლელობა იკავებს, როცა პირველ ადგილზე ავტოავარიები და ავტოავარიების შედეგად მიყენებული დაზიანებებია.