TBC ბანკის დამფუძნებელი მამუკა ხაზარაძე აცხადებს, რომ დასრულდა იმ წერილის ექსპერტიზა, რომელიც მან თებერვალში პროკურატურას წარუდგინა და შედეგები მალე გახდება ცნობილი.
"თქვენ იცით, რომ ჩვენმა ადვოკატმა ჩამოიტანა პასუხი. პირველი ექსპერტიზა დამთავრდა საკმაოდ სერიოზული შედეგებით, ამას ადვოკატები გაამჟღავნებენ. ასევე, გრძელდება სხვა ტიპის ექსპერტიზა და შესაბამისად, იმედია, რომ პროკურატურაში საქმე აღიძვრება თავიდან, რამეთუ მათ ჰქონდათ საფუძველი ეს საქმე აღეძრათ. თქვენ იცით, რომ თებერვალში მათ არ გააკეთეს ეს, ჩათვალეს, რომ ეს იყო ვიღაცის მიერ დაწერილი სახუმარო წერილი. მე ვფიქრობ, რომ ეს საკმაოდ სერიოზული წერილია. ის წერილი მიუთითებს, თუ რამდენად მახინჯი და კრიმინალური აზროვნების სტრუქტურებთან და თანამდებობის პირებთან გვაქვს საქმე. ჩვენ ამას გამოვავლენთ და საზოგადოებისთვის გახდება ცნობილი ყველაფერი", - ამბობს ხაზარაძე.