მეხორბლეთა საერთაშორისო საბჭომ ხორბლის წარმოიების დონე 644 მლნ. ტონაზე დააფიქსირა. პარალელურად, გაეროს სასურსათო ორგანიზაციამ თავისი პროგნოზი 4 მლნ. ტონით გაზარდა.
ხორბლის დეკემბრის კოტირება აშშ-ში რბილ ხორბალზე 264,53 დოლარამდე გაიზარდა, მყარ ხორბალზე კი ქვეყნის მაშტაბით ყველაზე მაღალი ფასი 280,14 დოლარი დაფიქსირდა. გაეროს სასურსათო ორგანიზაცია, რომში ფასების ზრდასთან დაკავშირებით სპეცილური სხდომა გამართა, მსოფლიოს 75 ქვეყნის ექსპერტები აცხადებენ, რომ ხორბალზე ფასების ზრდის მიზეზი, მხოლოდ რუსეთის მიერ ხორბლის ექსპორტის აკრძალვა არ გამხდარა, არამედ აღნიშნული სავაჭრო ბირჟებზე სპეკულაციებსა და რიგი ქვეყნების ნაციონალურ პოლიტიკას უკავშირდება.
ფაო-ს მოხსენებაში აღნიშნულია, რომ მიმდინარე ეტაპზე მსოფლიოს სასურსათო კრიზისის ნიშნები არ შეინიშნება, თუმცა ფაო იძლევა რეკომენდაციას, რომ დიდი ძალისხმება იყოს მიმართული ფასების ზრდის მიზეზების ობიექტური დადგენისთვის.
მსოფლიოს სასურსათო ორგანიზაცია ასევე აცხადებს რომ მიმდინარე წელს მარცვლეულის მოსავალი საკმაოდ პერსპექტიულია და მსოფლიოში საკმარისი მარაგებიც არსებობს.
