400 წლის შემდეგ ისევ ათასობით კილომეტრი ქვეითად - ფერეიდნელები სამშობლოს წინაპრების მიერ გავლილი გზით უბრუნდებიან. დიდგორობის დღესასწაულზე, 11 აგვისტოს დაიწყეს და 10 სექტემბერს მშობლიურ ფუძეს უბრუნდება სამი ქართველი შაჰრამ ონიკაძე, ომიდ გოგონანი და ისმაილ რაჰიმი.
ალპინისტები, რომელთა სახელები ირანში კარგად იციან, რადგან მთაში ხიფათისას მათ მაშველების ფუნქციაც აკისრიათ.
საქართველოდან ფერეიდანში ჩასული ქართველების პირველი მასპინძლები არიან. ისინი ქართულ მიწა-წყალს უკვე ეწვივნენ, მოიარეს საქართველოს ყველა კუთხე და კავკასიონის მწვერვალებიც დალაშქრეს. ამჯერად ასე, უწყლო-ხრიოკი, ჯაგნარიან-გაუდაბურებული გზით გადაწყვიტეს ქართულ მიწასთან მიახლება, სწორედ მათი წინაპრების მიერ გავლილი გზით. მათ 2000 ზე მეტი კილომეტრი უკვე გამოიარეს და ამ მსვლელობას ქართველთა ერთობასა და დიდგორში გამარჯვების დღეს უძღვნიან.
ფერეიდნელები საქართველო-აზერბაიჯანის საზღვართან (,,წითელ ხიდთან“) 10 სექტემბერს, 12:00 საათზე იქნებიან. 12 სექტემბერს კი თბილისს ეწვევიან. მათთან შეხვედრები საქართველოს სხვადასხვა ქალაქშიც იგეგმება.
შეხვედრების ორგანიზატორია ანდრია პირველწოდებულის სახელობის ქართული უნივერსიტეტის ქართველოლოგიის ცენტრის ხელმძღვნელი პროფესორი ტარიელ ფუტკარაძე.