უახლოეს მომავალში საბაჟო წესების დარღვევით იმპორტირებული პროდუქციის შეძენა ონლაინ მაღაზიითაც გახდება შესაძლებელი. როგორც სააგენტო "ჯი-ეიჩ-ენთან" საუბრისას ფინანსთა სამინისტროს მომსახურების სააგენტოს ხელმძღვანელმა გრიგოლ ბაიბურთმა განაცხადა, ონლაინ მაღაზია დაახლოებით 10 ოქტომბრისთვის ამოქმედდება. ბაიბურთის განმარტებით, ონლაინ მაღაზიის ამოქმედებასთან ერთად, პროდუქციის ბინაზე მიტანის სერვისიც ამოქმედდება. თბილისის მაშტაბით ბინაზე მიტანა უფასო იქნება, ხოლო რეგიონებში ფასიანი.
გრიგოლ ბაიბურთის განმარტებით, აღნიშნული სერვისის დასანერგად, რამოდენიმე საფოსტო კომპანიასთან მოლაპარაკებები უკვე მიმდინარეობს. ამ დროისათვის არ არის ცნობილი, რამდენი პროცენტით გაძვირდება რეგიონებში ბინაზე მიტანილი პროდუქციის ფასი.
საბაჟო წესების დარღვევით შემოტანილი პროდუქცია, რომელიც იმპორტიორს ჩამეორთმევა, დღეისათვის სამ სპეციალიზებულ მაღაზიაში იყიდება. მაღაზიები ელიავასა და ლილოს ბაზრობებზე და იაშვილის ქუჩაზეა განთავსებული.
საბაჟო წესების დამრღვევი იმპორტიორებისთვის ჩამორთმეული საქონლის სარეალიზაციო პირველი მაღაზია ლილოს ბაზრობასთან, სავაჭრო ცენტრ "ჯი-თი-სიში" 2009 წლის ზაფხულში გაიხსნა. აქ, ძირითადად, ტანსაცმელი და ფეხსაცმელი იყიდება. ელიავას ბაზრობის მიმდებარე ტერიტორიაზე განტავსებულ მაღაზიაში ძირითადად სამშენებლო მასალა იყიდება, ხოლო იაშვილის ქუჩაზე მდებარე მაღაზიაში სამონადირეო აღჭურვილობის შეძენაა შესაძლებელი. სპეციალიზებულ მაზაღიაში განთავსებული საქონლის ფასს დამოუკიდებელი ექსპერტი ადგენს და იგი საბაზრო ფასთან მიახლოებულია.