დიდ ბრიტანეთში 1.3 ტონა, დაახლოებით 145 მილიონი დოლარის ღირებულების ჰეროინი ამოიღეს. ეს ქვეყნის ისტორიაში რეკორდული მაჩვენებელია.
ნარკოტიკი გემის კონტეინერში პირსახოცებსა და აბაზანის მოწყობილობებში დამალული აღმოაჩინეს.
დიდი ბრიტანეთის დანაშაულთა ეროვნული სააგენტოს ინფორმაციით, კონტეინერი ნიდერლანდების სამეფოში გაგზავნამდე აღმოაჩინეს.
სააგენტოს ხელმძღვანელის განცხადებით, დიდ ბრიტანეთში ჰეროინის ასეთი დიდი რაოდენობა არასდროს აღმოუჩენიათ.
