"პატრიოტთა ალიანსი" კვლავ ითხოვს "სააკაშვილი-ბოკერიას რეჟიმის" რეზოლუციის. აღნიშნული ინფორმაცია პარლამენტის პლენარულ სხდომაზე გააჟღერა დეპუტატმა გიორგი ლომიამ "პატრიოტთა ალიანსიდან".
"ჩვენ კვლავ შემოვიტანეთ ნაციონალური მოძრაობის დამნაშავე რეჟიმად გამოცხადების რეზოლუციის პროექტი. იმედი გვაქვს, რომ ახლა მაინც დაგვიჭერთ მხარს. ვითხოვთ რომ შეწყდეს ყოველგვარი კოჰაბიტაცია ხელისუფლებასა და დამნაშავე რეჟიმს შორის...
"დღეს ნაცმოძრაობა და სააკაშვილი-ბოკერიები არის ჩვენი საზოგადოების ყველაზე დიდი მეტასტაზები. მე მესმის, რომ კიბოს უნდა უმკურნალო პირველ სტატიაზე. თქვენ მეოთხე სტადიამდე მიუშვით ეს მეტასტაზები და ჩვენი ქვეყნის განუკურნებელი სენია უკვე. ჩვენ პატრიოტები არ დავუშვებთ, რომ მათ ჩაიგდონ ძალაუფლება ხელში. ჩვენ გავაგრძელებთ აქციებსაც, გავაგრძელებთ მსვლელობებს და საბოლოო ჯამში ჩვენ დავამთავრებთ თქვენს კოჰაბიტაციასაც და მათ როგორც პოლიტიკური ძალის არსებობასაც", - თქვა გიორგი ლომიამ.
პარლამენტის საშემოდგომო სესიის პირველი სხდომა პროტესტის ფონზე გაიხსნა. ოპოზიციონერი დეპუტატები და სამოქალაქო აქტივისტები გიორგი გახარიას პრემიერ-მინისტრად წარდგენას აპროტესტებენ.
