იმედი მაქვს, ეს არის ბოლო ცვლილება, რომელსაც ივანიშვილი ქართველ ხალხს შესთავაზებს – ამის შესახებ ჟურნალისტებს ოპოზიციონერმა დეპუტატმა, აკაკი ბობოხიძემ განუცხადა.
ბობოხიძის თქმით, გახარიას ნებისმიერი ნაბიჯი შეიძლება სერიოზული მღელვარების საბაბი გახდეს საქართველოში.
„ამ კაცთან ერთად სიარული არა მარტო ივანიშვილისთვის არის სახიფათო, არამედ ქვეყნისთვის. შევარდნაძე მახსენდება, რომელმაც 2003 წელს „მოქალაქეთა კავშირში“ თავი მოუყარა ქართული პოლიტიკის ქაფს, არ მინდა, ნაგავი ვიხმარო და საქართველოში პოლიტიკოსები ქართველმა ხალხმა ამით დაასრულა. იმედი მაქვს, ეს არის ბოლო ცვლილება, რომელსაც ივანიშვილი ქართველ ხალხს შესთავაზებს და 2020 წელს ივანიშვილის მმართველობას თავის გახარია-ღარიბაშვილებიანად დაასრულებს მოსახლეობა. ჩვენი მიზანია, საქართველო არჩევნებამდე ზედმეტი რყევების გარეშე რამენაირად მივიყვანოთ, რომ ხელისუფლებისგან ივანიშვილის მშვიდობიანი ჩამოშორება მოხდეს“, – განაცხადა ბობოხიძემ.
პარტია "ქართული ოცნების თავმჯდომარემ ბიძინა ივანიშვილმა პრემიერ-მინისტრის პოსტზე შინაგან საქმეთა მინისტრი გიორგი გახარია დღეს წარადგინა. მისი თქმით, გახარიამ ღირსეულად დაიმსახურა ამ პოსტზე წარდგენა.