ქუთაისის თავისუფალ ინდუსტრიულ ზონაში დამატებით 15 მილიონი დოლარის ინვესტიცია განხორციელდება. აღნიშნულ ზონაში ორი კომპანია შემოდის. აქედან ერთი, ტექსტილის მწარმოებელი ეგვიპტური კომპანია, 5 მილიონი დოლარის ინვესტიციას განახორციელებს, ხოლო მეორე, უკრაინულ-ინდურ-ქართული კომპანია, რომელიც ულტრატანამედროვე მეტალურგიულ ქარხანას გახსნის, 10 მილიონი დოლრაის ინვესტიციას ჩადებს. აღნიშნულ საკითხებთან დაკავშირებით შეთანხმება დღეს, 27 სექტემბერს, გაფორმდება
ხსენებული კომპანიების პროდუქცია მსოფლიოს 12 ქვეყანაში გაიყიდება.
ასევე მნიშვნელოვანია ის ფაქტი, რომ ქუთაისის თავისუფალ ინდუსტრიულ ზონაში მოქმედი ეგვიპტური კომპანია "ფლეში" საყოფაცხოვრებო ტექნიკის წარმოებას ადგილზე დაიწყებს. კომპანია "ფლეში საქართველოში უკვე ერთი წელია ფუნქციონირებს, თუმცა პროდუქციას ადგილზე ამ დრომდე არ აწარმოებდა.