ბრიტანეთის მუზეუმმა ერაყს არტეფაქტების უდიდესი კოლექცია დაუბრუნა, რომელიც მანამდე ქვეყნიდან გაიტანეს და დიდი ბრიტანეთის ტერიტორიაზე გადაიტანეს. იუწყება გაზეთი Times-ი.
გამოცემის ცნობით, ექსპონატების გადაცემა ლონდონში ერაყის სალეჩოში მოხდა.
კოლექცია შეიცავს 156 თიხის ფირფიტას ლურსმული დამწერლობით, რომელიც წარმოადგენს დოკუმენტებს, წერილებს, სკოლის ტექსტებს და მათემატიკურ მაგალითებს. ექსპონატების უმეტესობა ჩვენს ერამდე 2100 და 1800 წლებით არის დათარიღებული და მიეკუთვნება ურის ან ძველი ბაბილონის დინასტიებს.
2011 წელს საბაჟო სამსახურმა ამოიღო ტვირთი, რომელიც დიდ ბრიტანეთში არაბთა გაერთიანებული საემიროებიდან გადაჰქონდათ. ექსპონატები ბრიტანეთის მუზეუმს მათი ღირებულების შეფასების მიზნით გადასცეს. სავარაუდოდ, არტეფაქტები ადგილობრივმა მცხოვრებლებმა 2003 წელს მოიპარეს და ერაყიდან არაბთა გაერთიანებულ საემიროებში გადაიტანეს.