რომის პაპმა ფრანცისკემ ღრმა შეშფოთება გამოთქვა ამაზონის ტყეებში მძვინვარე ხანძრის გამო და მრევლს ლოცვისკენ, ხოლო მსოფლიო საზოგადოებას ამაზონის ხანძრის ჩაქრობის ერთობლივი ძალისხმევისკენ მოუწოდა
როგორც წმინდა საყდრის პრესსამსახური იუწყება, ამის შესახებ პონტიფიკოსმა წმინდა პეტრეს მოედანზე შეკრებილ მორწმუნეებს განუცხადა.
"ჩვენ ყველანი შეწუხებულები ვართ ამაზონის ტყეებში მძვინვარე ხანძრის გამო და ყველანი ვლოცულობთ, რომ ხანძარი მალე დასრულდებს. ამაზონის მწვანე ფილტვები სასიცოცხლოდ მნიშვნელოვანია მთელი პლანეტისთვის", - განაცხადა რომის ეკლესიის მეთაურმა.
სამი კვირაა ამაზონის ტყეებში ხანძარი მძვინვარებს.
ამაზონის ტყე მსოფლიოში არსებული ჟანგბადის 20%-ს გამოყოფს და სწორედ ამიტომ, მას სხვაგვარად "დედამიწის ფილტვებს" უწოდებენ.
