- მსოფლიო 25 აგვისტო 2019, 15:02
პარიზი ნაცისტური გერმანიის ოკუპაციისგან გათავისუფლების 75 წლისთავს ზეიმობს
პარიზი ნაცისტური გერმანიის ოკუპაციისგან გათავისუფლების 75 წლისთავს ზეიმობს.
"პარიზი თავისუფალია" - ამ სიტყვებით დაიწყო გენერალმა შარლ დე გოლმა თავისი ისტორიული სიტყვა 1944 წლის 25 აგვისტოს, მას შემდეგ, რაც საფრანგეთის დედაქალაქი ნაცისტური გერმანიის 4-წლიანი ოკუპაციისგან გათავისუფლდა.
გერმანიის არმიამ საფრანგეთის ოკუპაცია 1940 წლის 14 ივნისს მოახდინა. იმავე დღეს ვერმახტის უმაღლესმა მთავარსარდლობამ აღნიშნულთან დაკავშირებით საგანგებო კომუნიკე გამოაქვეყნა.
"მას შემდეგ, რაც საფრანგეთის ჯარებმა წინააღმდეგობა შეწყვიტეს და დედაქალაქი "ღია ქალაქად" გამოცხადდა, აღნიშნული კომუნიკეს გამოქვეყნებისთანავე პარიზში გერმანული ჯარები შევლენ", - ეწერა კომუნიკეში.
14 ივნისის გამთენიაზე, ვილლეტის კარიბჭედან საფრანგეთის დედაქალაქში ვერმახტის მე-18 არმიის ნაწილები შევიდნენ გენერალ გეორგ ფონ კიუხლერის სარდლობით. ასე დაიწყო ნაცისტური გერმანისს მიერ 50-თვიანი ოკუპაცია.
გერმანელებმა შეჭრისთანავე დაიწყეს პარიზის ქუჩებისა და შენობების ნაცისტურის სვასტიკის სიმბოლიკიანი დროშებით მორთვა. დროშები აღიმართა ტრიუმფალურ თაღიდან პარიზის ოპერის შენობის ჩათვლით.
მიუხედავად იმისა, რომ ფრანგები გერმანელების ოკუპაციას უომრად შეხვდნენ, მალე მათ წინააღმდეგობის მოძრაობების ჩამოყალიბება დაიწყეს.
1944 წლის 19 აგვისტოს პარიზში დაიწყო მასშტაბური აჯანყება. მოკავშირეთა ჯარების მისვლის მომენტისათვის დედაქალაქი უკვე ფრანგი პატრიოტების ხელში იყო.
1944 წლის 25 აგვისტოს პარიზი გათავისუფლებულ იქნა საფრანგეთისა და გერმანიის ძალებს შორის ექვსდღიანი ბრძოლის შემდეგ.
