დეკანოზ გიორგი მამალაძის ჯანმრთელობა მდგომარეობა უკიდურესად დამძიმდა. დეკანოზი რამდენიმე თვეა საწოლს არის მიჯაჭვული და გადაადგილებას ვერ ახერხებს. მას გაჩერებული აქვს მარჯვენა ხელ-ფეხი. მსჯავრდებული სასულიერო პირის ძმა, თორნიკე მამალაძე ამბობს, რომ დეკანოზს სასიკვდილოდ იმეტებენ, შეწყალება კი ერთადერთი გზაა მღვდლის გადასარჩენად.
პატიმარი მღვდლის უფლებადამცველებმა წერილი საქართველოს პრეზიდენტის სახელზე უკვე ჩააბარეს.
სასულიერო პირის ადვოკატების განმარტებით, ქვეყნის პრეზიდენტმა, პირველ რიგში, გადაწყვეტილება პატიმრის ჯანმრთელობის მდგომარეობიდან გამომდინარე უნდა მიიღოს, რადგან ციხის პირობებში მამა გიორგი მამალაძის გამოჯანმრთელება შეუძლებელი იქნება.