სასტიკი შემთხვევა ფოთში. ძიძა ბავშვს ფიზიკურად უსწორდებოდა. ბავშვზე ძალადობასთან დაკავშირებით არსებული ეჭვები დედის მიერ სახლში დამონტაჟებულმა ვიდეოკამერამ დაადასტურა. მოგვიანებით მაია ეჯიბაიამ კადრები სოციალურ ქსელში ატვირთა.
საქმეზე გამოძიება ძალადობის მუხლით არის დაწყებული. ძიძას და ბავშვის დედას სამართალდამცველები გვიანობამდე კითხავდნენ. პოლიციის განყოფილებიდან გამოსული ეჯიბაია ამბობს, რომ ის თანამშრომლობს სამართალდამცველებთან, თუმცა დამატებითი კომენტარის გაკეთებისგან თავს იკავებს.
