წავალ პოლიტიკაშიც, საზოგადოებრივ მოძრაობებშიც, ყველგან, სადაც ბიძინა ივანიშვილის დასამარება მიმდინარეობს, - განაცხადა „რუსთავი 2"-ის ყოფილმა გენერალურმა დირექტორმა ნიკა გვარამიამ.
მისი თქმით, საქართველოში არის რუსული ტიპის დიქტატურა.
„მე არ ვაპირებ შემოვიფარგლო მხოლოდ ტელევიზიით, თუ მას გავაკეთებ - საუკეთესოს, მიუხედავად იმისა, ჩამსვამენ, არ ჩამსვამენ. მაინც გავაკეთებ საუკეთესოს. მაგრამ მე მონაწილეობას მივიღებ ყველა პლატფორმაში, რომელიც ბიძინა ივანიშვილს დააზარალებს. ეს არ არის ჩემი არჩევანი. ეს არის ბიძინა ივანიშვილის არჩევანი, დღეს პროკურატურის განცხადებით შემომითვალა, რომ მე ვარ მისი მთავარი მოწინააღმდეგე აქ, ამ მიწაზე და მე ვიღებ ამ გამოწვევას. მე წავალ პოლიტიკაშიც, წავალ საზოგადოებრივ მოძრაობებშიც, ყველგან, სადაც ბიძინა ივანიშვილის დასამარება მიმდინარეობს. მოვუწოდებ ყველას, დროა გაერთიანების. საქართველოში არის დიქტატურა, ხდება ზუსტად ის, რაც ხდება რუსეთში. საქართველოში დამყარდა რუსული ტიპის დიქტატურა, უზურპატორი უნდა წავიდეს", -- განაცხადა ნიკა გვარამიამ.