რუსთავი 2-ის ყოფილი გენერალური დირექტორი ნიკა გვარამია პროკურატურაში ბრალდების დაგდენილების მისაღებად მივიდა. ის მედიასთან განცხადებებს აკეთებს. მისი თქმით, სტრასბურგის სასამართლოს სამარცხვინო გადაწვეტილებამ გახსნა საქართველოში დიქტატურის პანდორას ყუთიჯერჯერობით უცნობია, აღკვეთის ღონისძიების რა სახეს მოითხოვს ბრალდების მხარე.
„სტრასბურგის სასამარტლოს სამარცხვინო გადაწყვეტილება გახდა საქართველოში დიქტატურის პანდორას ყუთის გახსნა, ამ გადაწყვეტილებამ ეს გააკეთა. ამის შემდეგ საქართველოში ბოლომდე ფრთები აქვს გაშლილი დიქტატურას და დღეს უბრალოდ ერთ-ერთი სერიოზული ნაბიჯი გადაიდგა აქეთკენ“, - ამბობს გვარამია.
"რუსთავი 2"-ის ყოფილ გენერალურ დირექტორს ნიკა გვარამიას ბრალი წაუყენეს. გამოძიების მტკიცებით, ნიკა გვარამიას მიერ საწარმოს ხელმძღვანელობითი და წარმომადგენლობითი უფლებამოსილების ბოროტად გამოყენებით "სამაუწყებლო კომპანია რუსთავი 2"-მა ვერ მიიღო 6 763 510 ლარი, რითაც საწარმოს დიდი ოდენობით ზიანი მიადგა.
ნიკა გვარამია დღეს ბრალდების შესახებ დადგენილების წარდგენის მიზნით საქართველოს გენერალურ პროკურატურაში არის დაბარებული. ბრალის წარდგენის შემდეგ საქართველოს გენერალური პროკურატურა სასამართლოს მიმართავს აღკვეთის ღონისძიების შეფარდების შუამდგომლობით.