20 ივნისის საქმეზე შერჩევითად ხდება გამოძიება, - განაცხადა "ევროპულ საქართველოს“ ერთ-ერთმა ლიდერმა გიგი წერეთელმა.
მისი თქმით, შეუძლებელია გამოძიების ობიექტურობაზე საუბარი მაშინ, როდესაც ათობით მოქალაქისა და პოლიტიკოსის დაკავების პარალელურად ხელისუფლების წარმომადგენლები დაკითხვაზეც კი არ დაუბარებიათ.
„როცა ვხედავთ, რომ პირიქით, სახელისუფლებო მხრიდან არც იკითხებიან ის ადამიანები, ვინც შეიძლება ძალიან მნიშვნელოვანი ინფორმაცია მისცეს გამოძიებას და ისინი არიან მაღალჩინოსნები. სწორედ ეს არის ძალიან მკაფიო მაგალითი იმის, რომ შერჩევითად ხდება გამოძიება,“ - განაცხადა წერეთელმა.