რაც 2012 წელში ვერ მოვახერხეთ პოლიტიკოსებმა, ახლა ამას ახერხებენ ქართველი ახალგაზრდები, - განაცხადა საქართველოს მესამე პრეზიდენტმა მიხეილ სააკაშვილმა ფეისბუქლაივში.
მისი თქმით, საქართველო აუცილებლად გაიმარჯვებს, მაგრამ ჯერ საჭიროა შიდა მეხუთე კოლონის, ამ მტრის ნამესნიკის ჩამოშორება საქართველოს ხელისუფლებისგან.
„რაც ჩვენ 2012 წელში ვერ მოვახერხეთ პოლიტიკოსებმა, ახლა ამას ახერხებენ ქართველი ახალგაზრდები. მინდა, მათ მივესალმო. მინდა, იმ ადამიანებს მივესალმო, ვინც 20 ივნისს სიცოცხლე გარისკა, ვინც დაკარგა მხედველობა, ვინც დაკარგა ჯანმრთელობა, ვინც დაკარგა თავისუფლება ახლა ციხეებში იმყოფება, მაგრამ უკან არ დაიხია. ყველაფერი გამოგვივა. საქართველო აუცილებლად გაიმარჯვებს. შინდისის გმირების სისხლი და ანწუხელიძის სისხლი ტყუილად ნამდვილად არ დაღვრილა. ჩვენ ვიქნებით ისევ ყველაზე წარმატებული სახელმწიფო ევრაზიაში, როგორც ვიყავით და ვიქნებით ბევრად მეტად. დიდება საქართველოს. ღმერთი იყოს ჩვენი მფარველი“, – განაცხადა მიხეილ სააკაშვილმა.