შეცდომა იყო რომ განათლებაში საკმარისი ფული არ ჩავდეთ, რომ შეგვეცვალა პოლიტიკური ელიტა, - განაცხადა იუსტიციის ყოფილმა მინისტრმა, ზურაბ ადეიშვილმა ნიკა გვარამიასთან ინტერვიუში.
"რაც შეეხება შეცდომას, ჩვენი და მათ შორის ჩემი ყველაზე დიდი შეცდომა იყო ორი. ერთი ის, რომ იმ პროცესში, როცა ახალ სახელმწიფოს ვაშენებდით, განათლებაში საკმარისი ფული არ ჩავდეთ, რომ შეგვეცვალა პოლიტიკური ელიტა და პოლიტიკური კლასი. თუ განათლებაში სათანადო ინვესტიციები არ იქნება, რომ შექმნა ახალი პოლიტიკური ელიტა, ის სახელმწიფო განწირულია.
მეორე შეცდომა არის ის, რომ უფრო ნაკლები ტოლერანტობა უნდა გვქონოდა ჩვენი დარღვევების მიმართ. იყო ასეთი ნარატივი ჩვენზე, რომ ვართ დაუნდობელი, სისხლის მსმელი ადამიანები, რომლებიც სჯიან... როცა საქმე საქმეზე მიდგება, რაზე ლაპარაკობენ? იმაზე, რომ კონკრეტულ საქმეში არ დაისაჯა კონკრეტული სამართალდამრღვევი... , უფრო მეტად ლაპარაკობენ, რომ შექიმნა რაღაც ტიპის ორმაგი სტანდარტი. თუმცა, მგონია, რომ გავაკეთე იმდენი, რაც ერთ ადამიანს შეეძლო, გაეკეთებინა," - თქვა ადეიშვილმა.