თბილისის საკრებულოს სამგორის (მესამე მასივი) მაჟორიტარი დეპუტატი გიორგი დოხტურიშვილი დედაქალაქში ე.წ. „ხრუშჩოვკების“ ჩანაცვლების პროექტის დაწყებასთან დაკავშირებით, თბილისის მერიის სსიპ ქონების მართვის სააგენტოს უფროსთან, ირაკლი თავართქილაძესთან ერთად, მესამე მასივის იმ ავარიული კორპუსების მოსახლეობას შეხვდა, რომელთა საცხოვრებელი ბინები ავარიულობის ხარისხიდან გამომდინარე, ჩანაცვლების პროექტის პირველ ეტაპზე მოიაზრებიან. დოხტურიშვილის განცხადებით, ეს ისტორიული პროცესია, რომელიც თბილისის მერმა კახა კალაძემ დაიწყო.
„თბილისელების მრავალწლიანი დამღლელი ლოდინის შემდეგ, კახი კალაძემ ისტორიული გადაწყვწტილება მიიღო და საფუძველი დაუდო ე.წ ,,ხრუშჩოვკების“ არსებობის დასასრულს. ძალიან მახარებს ის ფაქტი, რომ ასეთი უპრეცენდენტო და მასშტაბური პროექტის განხორციელება პირველად ჩემს სამაჟორიტარო ოლქში, ვარკეთილის მესამე მასივში მოხდება. პროექტის თანახმად, პირველ ეტაპზე ავარიულობის ხარისხის სიმძიმის მიხედვით, ეტაპობრივად დავაკმაყოფილებთ იმ ოჯახებს, ვინც წლების განმავლობაში ავარიულ სახლებში ცხოვრობდა ,“ - განაცხადა გიორგი დოხტურიშვილმა.
პროექტის პირველი ეტაპის განხორციელების შედეგად, 150 - მდე ოჯახს, ჯამში 7 545 კვ. მეტრი საცხოვრებელი ფართი გადაეცემათ. ქალაქის მერის გადაწყვეტილებით, ვარკეთილის ზემო პლატოზე, ინვესტორებს 30 000 კვ.მ. მიწის ფართობი გადაეცათ.
სამუშაოები შემოდგომაზე დაიწყება და 36 თვეში დასრულდება.